سيات موديل 133
سيارة خطيرة بمعنى الكلمة
ممكن تسخن منك لو رحت تجيب عيش من مصر والسودان
او تعطل منك على كوبري اكتور ليلاً وتقلب اليوم بغم وتزقها انت وعمرو محمود امام من التحرير لغمره فوق الكوبري الساعه 12.30 بالليل
يا سلام بقى لو عطلت بيك فى المنيل واحتجت لحد بتاع لحام علشان يلحم الاكس والفلنشة مع العلم ان مفيش بتاع لحام فى المنيل وتضطر تسحبها بعربية نقل
تبقى وقعه سودة لما تدخل طريق مذدحم والدنيا حر (يا ويلك) البوبينا بتسخن وتركن على جنب بقى وتعملها كمادات ثلج
او تكون رايح مشوار مهم وسير طلمبة الميه ينقطع
بصراحة عربية هايلة بلاش اقول زيادة عن كدا
عروسة يا خواتي
بزمتكم دي احلى ولا الهمر
واللى يغيظك ان صالونها من الداخل واسع جدا وفخم
بصراحة عربية هايلة بلاش اقول زيادة عن كدا
اكيد كلكم دلوقتي عيزين تشتروها