شوف وادعولى يا شباب
1-حاول انك من بعيد لبعيد تتأكد انها مش مرتبطة وده عن طريق انك تشوفها بتتكلم فى الموبيل
كتير ولا لا و بتكلم مين .
2-حاول انك تعرف ديانتها الاول عشان ما تقعش يا جمييييييل .
3-حاول انك تكون ادام عنيها هيرو فى كل حاجة اتكلم فى حاجة عارف مش عارف فيها اتكلم و خلاص
البنات بتحب الشباب الرغاية.
4-لما تتأكد انها مش مرتبطة و انها من ديانتك تبتدى تظبط نفسك حاول تستنى اى مناسبة و قولها انك
تتمنى تكونوا اصحاب و اقعد احكى لها عن تاريخ حياتك بالتفصييييييييييييييل <البنات بيحبوا التفاصيل>
5- لو مفيش مناسبة قريبة بص بقة تجهز نفسك تكلمها يوم الخميس هتقولى اشمعنة الخميس هقولك
عشان تديها يوم الجمعة فرصة تفكر فيك <ههههههههههه> تبتدى يوم الاربع بالليل تسمعلك كام اغنية
لعمرو دياب و محمد حماقى و طبعا تامر عشان تزود ثقتك بنفسك.
6-اول ما تقوم من النوم تاخد دش و غرق نفسك برفان و لازم تلبس كلاسيك و اساسى طبعا جزمة .
7-اول ما توصل الجامعة دور عليها اول ما تلاقيها روح ناحيتها و حاول انك تدبدب بالجزمة برقة هتقولى لية
عشان تدارى دقات قلبك اللى هتخليك تتراجع و ما تكلمهاش كدة اوكى و عشان تبقى عارف الجزمة بتزود
الثقة فى النفس .
8- تدخل وانت بتتكلم معاها ادخل و قول لنفسك هوة هيجرى اية لما اكلمها عمرها ما هتحرجنى .
9-بعد ما تسلم عليها حاول ان تقولها ممكن تيجى معايا هتقولك فين قولها تعالى بس اول ما تيجى معاك
روح على اى جنينة فى الجامعة و ابتدى احكيلها زى ما قلت فوق .
10-اوعى تطلب نمرة موبيلها من اول مرة حاول انك تتفق معاها على معاد تستناك فيه و اتأخر عليها اول ما تروح
اعتزر لها و قول معلش اسف اصل راحت عليا نومة و كام كلمة اللى قصدته من انك تتأخر عليا انك تخليها تحتاجك
ساعتها عمرها ما هترفض انهل تديك نمرة موبيلها دة ممكن هى اللى تطلبها منك<هههههههههههههه> وعيش يا عم.
يا ريت موضوعى يعجبكم و يلا اى خدعة.
بس اوعى تنسى خليك رغاى هما بيحبوا كدة.
طه
موضوع: كام طريقة جامدة عشان تقدر تصارح حبيبتك بحبك 